Aввал хабар қилинганидек бугун, 2023 йил 13 март куни соат 11:00 да Ўзбекистон Республикаси Конституциявий судининг суд мажлиси бўлиб ўтади (Тошкент шаҳри, И.Каримов кўчаси, 43-уй).

Унда Олий Мажлис Қонунчилик палатасининг “Ўзбекистон Республикаси Конституцияси тўғрисида”ги Ўзбекистон Республикаси Конституциявий Қонуни лойиҳаси бўйича Ўзбекистон Республикаси референдумини ўтказиш ҳақида”ги қарорининг (иловаси билан) Ўзбекистон Республикаси Конституциясига мувофиқлиги масаласи кўриб чиқилади.

Суд мажлиси “O‘zbekiston 24”, “O‘zbekiston” телерадиоканаллари, “Uzreport” телеканали ва O‘zMTRKнинг “YouTube”даги саҳифаси орқали тўғридан-тўғри эфирга узатилади.